Dhoma 309 – EPISODI 157
Lale vendos t’i bëjë një surprizë Onurit. Në prani të të dyja familjeve dhe të ftuarve të tjerë, ajo i kërkon Onurit zyrtarisht të bëhet i dashuri i saj. Betyli nuk dorëzohet dhe gënjen mbi marrëdhënien e dy të rinjve. Pinari u kërkon Onurit dhe Lales të kthehen në shtëpinë ku kanë jetuar përpara se të martoheshin dhe të rifillojnë lidhjen nga e para, përndryshe ai do të raportojë se martesa e tyre e tanishme cenon mirëqenien e Emirit.
Flake pasioni – EPISODI 178
Hatixheja kthehet në shtëpinë e saj e dëshpëruar. Arda ndihet i pashpresë për lidhjen e tij me Baden. Xhejlani flirton me një djalë. Hylja mëson vendndodhjen e Melekut
Tre Anat – EPISODI 15
E ëma e këshillon Ana Lusian që të largohet prej Santiagos, por ajo, me lot në sy, pohon se e dashuron atë me shpirt. Evaristo merr peng Santiagon. Ramiro vijon hetimin që kishte nisur Marselo për të gjetur Ana Lusian, por Orlando mohon ta njohë atë, pasi sheh fotot e të motrave.
Përgjithmone e jotja – EPISODI 134
Olvido mëson për gjendjen e Pablitos. Lidhja e fortë që ndien e çon në spital për të parë si është vogëlushi. Eufrasia shkon në shtëpinë modeste të Çuit dhe Vanesës për të jetuar me ta. Taço i tregon Martitës teorinë e tij për vrasjen e Gabrielit dhe përfshirjen e Eufrasias. Olvido sheh Angustian në spital dhe vendos ta ndjekë, pa e imagjinuar se është shumë pranë zbulimit të së vërtetës për të birin.
ZONJA FAZILET – EPISODI 67-68-69
Hazimi kthehet në shtëpi, por ç’do të bëjë ai kur të marrë vesh si kanë vepruar fëmijët e tij? Në kërkim të Exhesë, ai e gjen këtë të fundit duke vajtuar mbi varrin e tij. Edhe pse e ka kuptuar se fëmija është i Jasinit, ai deklaron se pret një fëmijë. I zhgënjyer, Jasinit i shuhen shpresat se fëmija ishte i tij.
Hazimi thërret avokatin dhe i kërkon të ndryshojë ndarjen e trashëgimisë. Jasemini zbulon këtë të vërtetë pasi dëgjon fshehurazi bisedën mes Faziletit dhe Exhesë. Jasini është ende në kërkim të një pune. Ndërkohë Sinani dhe Jagizi vendosin të bisedojnë me Kerimen.
Shykrija kërcënon Faziletin se do të tregojë për fëmijën nëse ajo nuk e ndihmon për të bërë paqe mes Selinit dhe Hazimit. Jasini përballet me Exhenë në shtëpinë e Kerimes. Pas këtij takimi Fazileti vendos që të bashkëpunojë me Selinin për të mbajtur Jasinin larg Exhesë. Hazani vrapon pas vëllezërve dhe detyrohet ta marrë përsipër fajin për t’i mbrojtur ata, por a do ta besojë Jagizi? Ndërkohë Hazimi po ndjek nga afër projektin e kozmetikës dhe lë vetëm një javë kohë për lançimin e produkteve.
