Kryeinspektorja për shëndetin në Tiranë, Areti Beruka ka rezultuar pozitive me koronavirus.
Sipas burimeve për Newsbomb.al, Beruka ka rreth një muaj që është infektuar me Covid19. Si pasojë e infektimit, drejtoresha e Shëndetit në Tiranë ka qenë në një gjendje të rënduar shëndetësore.
Beruka u bë e njohur në rrjetet sociale disa muaj më parë, pasi deklaroi, “Ndoshta me profesionin por edhe me karakterin. Por ta them personale, jo profesionale mezi e pres rastin e parë në fakt, unë si mjek”.
Së fundmi janë shtuar rastet e infektimeve me Covid-19. Gjatë 24 orëve kanë humbur jetën 3 qytetarë, duke e çuar në 480 numrin total të jetëve të humbura që nga fillimi i pandemisë.
Nga 1304 testime kanë rezultuar pozitiv 288 persona, duke e çuar në 19.445 numrin e përgjithshëm të të prekurve me Covid-19 që nga fillimi i pandemisë.
