Ende nuk keni bërë plane për Halloween? Pa problem, Kemi menduar ne për ju! Përgatitni kokoshkat dhe rehatohuni: në vazhdim kemi renditur disa prej filmave më të mirë për këtë rast!
Nata e Halloween po afron dhe si çdo vit, nëse nuk është planifikuar asgjë, nuk ka asgjë më të bukur se të qendrosh rehat në divan duke parë një film.
Dhe pikërisht këtu lind problemi: çfarë filmi të zgjedhësh?
Në vijim ju sygjerojmë disa tituj filmash që mund t’ju ndihmojnë në zgjedhje?
John Carpenter’s Halloween (1978)
I konsideruar si një nga klasikë e vërtetë në zhanrin e vet, Halloween ka frymëzuar shumë prej regjizorëve të filmave horror në vitet tetëdhjetë dhe nëntëdhjetë, duke u bërë një cult i vërtetë.
Filmi ka për protagonist Michael Myers, gjashtë vjeçarin i cili gjatë natës së 31 tetorit vret motrën me një thikë kuzhine. Michael përfundon në spitalin psikiatrik të Smith’s Grove, nga ku arrin të dal 15 vjet më vonë.
Pasi u arratis, Micheal shkon në vendin ku kreu krimin e tij të parë, Haddonfield, ku do të vihet në ndjekje të Laurie Strode, duke vënë në shenjestër atë dhe mikeshat e saj.
Harry Potter and the Philosopher’s Stone
Nëse zhanëri horror nuk hyn në preferencat e tua, por dëshiro të përjetosh atmosferën tipike të Halloween, Harry Potter është zgjedhja e duhur.
Guri filozofal është vetëm kapitulli i parë i sagës me djaloshin Harry, dhe kungujt që qendrojnë pezull në ajër në Sallën e Madhe të Hogwarts e bëjnë edhe më magjike dhe tematike mbrëmjen. E pse jo mos jetë një nxitje për t’i parë të gjithë filmat!
Ja një trailer që përmbledh skena nga të gjithë filmat e sagës.
https://www.youtube.com/watch?v=ZOWyAAlFVgs#t=16
Bram Stoker’s Dracula (1992)
Dracula shfaqet në 161 filma dhe konsiderohet si personazhi më njohur i të gjitha në kulturën horror, i ndjekur nga Frankenstein.
Janë 50 filma mbi Dracula-n që ja vlen të përmenden, por ai i Francis Ford Coppola i vitit 1992 mbetet një nga ikonat e kinematografisë horror.
https://www.youtube.com/watch?v=fPyS53pf_wY
Ghostbusters (1984)
Disa studiues akademik të Parapsikologjisë do të ballafaqohen për herë të parë me materien e ektoplasmës dhe do të vihen në ndjekje të fantazmave nën emrin Ghostbusters.
Edhe pse është klasifikuar si një komedi, Ghostbusters trajton një tematikë të veçantë në llojin e saj.
Sleepy Hollow (1999)
Nëse je kurioz të shohësh Johnny Depp para se të vishej si pirat i Karaibeve, ky është film i duhur.
Një nga klasikët e regjizorit Tim Burton, Sleepy Hollow bazohet në tregimin Legjenda e Luginës sv Fjetur të autorit Washington Irving.
Agjenti i policisë, Ichabod Crane, dërgohet në luginën e Sleepy Hollow për të investiguar mbi disa krime ku ishin gjetur trupa pa kokë.
Scream
Filmi që ka arkëtuar më shumë në vitin 1996, Scream është një tjetër cult i zhanërit horror.
Qyteza e Woodsboro është tronditur nga një seri vrasjesh të tmerrshme. Askush nuk është i sigurt, ndërsa vrasësi psikik që ndjek dhe torturon viktimat e tij me pyetje të ndërlikuar është ende i lirë.
I vetmi detaj që dihet për vrasësin është maska e tij e bardhë që mban në fytyrë, pas së cilës mund të fshihet kushdo.
Shaun of the Dead
Nëse je i vërtetë i lodhur me zhanërin horror dhe do të shkrihesh së qeshuri, ky film parodi është i përshtatshëm për ty.
Shaun of the Dead ndjek hapat e protagonistit, Shaun, i cili po mundohet të vërë në vij jetën e tij. Por per Shaun nuk do të jetë dhe aq e lehtë pasi qyteti ku ai jeton do të pushtohet nga zombie që do ta bëjnë edhe më argëtuese historinë e jetës së tij.
Ti çfarë ke vendosur të bësh për Halloween? Ke një film të preferuar për të parë natën e 31 tetorit? Jemi kurioz ta dimë me një koment!
