Mediat shtetërore ruse nuk do të lejohen më të reklamojnë ose të fitojnë para nga përmbajtja e tyre në asnjë platformë në pronësi të Metës, prind i Facebook dhe Instagram, tha kompania të premten në mbrëmje.
Devon Kearns, një zëdhënës i Meta, sqaroi për CNN se politika nuk vlen vetëm për Facebook, por edhe për Instagram.
Të shtunën, Meta publikoi një postim në blog ku përshkruan hapat që ka marrë për të mbajtur të sigurt ukrainasit. Kompania tha se u ka mundësuar përdoruesve ukrainas mundësinë për të “kyçur” profilet e tyre në Facebook, duke parandaluar që të panjohurit të jenë në gjendje të shkarkojnë foton e profilit të një personi ose të shohin postimet e personit. Kompania tha gjithashtu se po kufizon aftësinë për të kërkuar përmes listës së miqve të një përdoruesi.
Në Instagram, përdoruesve ukrainas u shfaqen njoftime që u kujtojnë atyre se mund t’i bëjnë profilet e tyre private, dhe disa përdoruesve po i rikujtohet opsioni “Two Factor” për të siguruar adresat e tyre.
Meta shtoi se ka zgjeruar përpjekjet e saj të pavarura për kontrollin e fakteve dhe “po punon për të ofruar mbështetje financiare shtesë për partnerët ukrainas të kontrollit të fakteve”.
