Pas largimit nga News 24 disa muaj më parë dhe rikthimit të tij me formatin e tij “A Show” në T7, një televizion kosovar, mesa duket Adi Krasta do të rikthehet sërish në një ekran në Tiranë. Lajmi fillimisht u njoftua disa javë më parë nga IMA.
Adi Krasta tashmë do të vijë nën logon e Syri TV i cili është lancuar pak muaj më parë nën drejtimin e gazetarit Çim Peka i cili gjithashtu ka nën administrim portalin e njohur SYRI.NET.
Moderatori ka njoftuar ardhjen në televizionin e ri përmes një statusi në Facebook:
“Para disa ditesh kolege gazetare qe po punojne per nje stacion te ri televiziv, Syri Television, me kane bere nje ftese publike per te punuar me ta.
E pranoj me deshire ftesen e tyre te respektueshme.
Gjithmone kam patur bindjen se gazetaria mund te jete nje profesion dinjitoz. Faktet jane kokeforte e te pandryshueshem. Ja vlen te punohet per t’i percjelle ato tek publiku besnikerisht. Vendit i duhet nje publik i informuar.
Eshte gjithmone nje lajm i mire lindja e nje televizioni te ri. 🤓”- thotë Krasta.
Ishte muaj Dhjetor 2019 kur Adi Krasta filloj transmetimin në T7 në Kosovë me emisionin e tij “A Show” dhe tashmë pas disa javësh ai vendos të transferohet sërish në një ekran shqiptar.
Nuk dihet ende ndërkaq nëse Adi Krasta do mbajë sërish emrin e emisionit të tij me një forma të veçantë, që tashmë është bërë i njohur prej vitesh që me shfaqjet e para në Agon Channel./IMA/
