Pas rrëzimit të kërkesës së pronarit të “Agon Channel” Francesco Becchettit për lirimin e aseteve të tij, që u rrëzua para disa ditësh nga Gjykata e Apelit, Agon Channel ditën e sotme ka mbyllur transmetimet në valët analoge.
Deri tani ky televizion po vazhdon të marri goditje të njëpasnjëshme ku kulmi arriti me sekuestrimin e tij. Por, Agon ndryshe nga televizionet e tjera nuk ka bërë asnjë njoftim për programet me fillimin e sezonit të ri televiziv.
Ky televizion ka disa muaj që po ritransmeton herë pas here programet e veta. Madje, ndryshe nga viti I kaluar, edhe verën që lamë, Agon Channel nuk transmetoi asnjë program të ri por vetëm ritransmetime.
Agon Channel mund të ndiqet ende në Tring dhe ALBtv. Në këto platforma apo edhe transmetuesit e tjerë kabllorë si Abcom, që kanë marrëveshje me këto platformat dixhitale, janë mënyra e vetme për të parë Agon pasi transmetimi online në LiveStream është mbyllur gjithashtu.
IMA / J. Kasaj