Më 14 shtator nis zyrtarisht sezoni i ri në VIZION PLUS. Pritshmëritë janë të medha këtë vit, ku përveç programeve më të njohura dhe të dashura për teleshikuesin e këtij ekrani nuk do të mungojnë edhe surprizat e risitë përgjatë një rrugëtimi të gjatë që do të nis në pak ditë. Ja cilat do të jenë disa nga titujt që do të na servirë këtë sezon vjeshtë-dimër ekrani i emocioneve të mëdha.
7pa5
Keshtu dita ne Vizion Plus do të nis me 7pa5, formati i mëngjesit që nga ky sezon vjen me një kohëzgjatje deri në orën 09:00, çdo ditë nga e hëna në të premte.
Vizioni i Pasdites
Formati entertainment Vizioni i Pasdites, vjen i ndryshuar tërresisht në formë, moderim dhe orar transmetimi. Përkrah Anila Çela, e cila i rikthehet emisionit pas shkëputjes vitin e kaluar për shkak të shtatezanisë, gjejmë bukuroshen Orinda Huta. Emisioni do të transmetohet në orën 17:45, nga e hëna në të premte.
Nora – Serial Premierë
Seriali i pasdites është spostuar këtë sezon të ri në orën 17:00. Nora, telenovela më e re në ekranin e Vizion Plus, vjen së shpejti si një premierë ekskluzive për teleshikuesit e apasionuar të historive rozë. Lexo më shumë rreth serialit duke klikuar këtu.
Formati i Turjan Hyskes Oktapod, këtë sezon vjen i reduktuar vetëm një herë në javë, nga 18 shtatori, çdo të premte ora 20:45. Edhe ky format ka pësuar ndryshime, duke i dhënë më tepër elemente show.
Agim Bajko dhe emisioni i tij sartirik Bypass Show rikthehet të dielën, datë 20 Shtator ora 22:00.
Tornado me Para
Game Show i Llotarisë Kombëtare ka rezultuar i suksesshëm sezonin e kaluar duke u rinovuar për një sezon të dytë. Mundësia për të fituar para në për lojtarët me fat të Tornado me Para nis në datën 27 Shtator, për të vazhduar çdo të diel, ora 20:10.
Këto janë disa nga titujt e programeve përsa i përket premierave të Shtatorit.
Karadayi do të mund t’a ndiqni nga e hëna në të premte, në oren 19:45.
Lugina e Ujqërve
Seriali Lugina e Ujqerve do të transmetohet të shtunën në orën 19:45 dhe të dielën prime time, në orën 21:00.
Variete Show i humorit nga Agron Llakaj rikthehet për publikun në muajin Tetor, me premieren në datë 3.
Grand Hotel 2XL
Pas sezonit të parë pasardhësi i Apartamentit, Grand Hotel 2XL, vjen përsëri me stafin e tij të “çmendur” në datë 6 Tetor, ora 20:45.
Dancing with the Stars
Spektakli i shumëpritur i vallëzimit Dancing with the Stars, edhe pse fillimisht u anoncua se do të niste në datë 6 Tetor, duket se do të ketë përsëri një ndryshim pasi parashikohet të nis më datë 8 Tetor, çdo të enjte ora 20:45, por kjo datë mbetet ende për t’u konfirmuar zyrtarisht.