Finalja e “X Factor Albania” do të sjellë një moment të veçantë në ekranin e TV Klan, ku për herë të parë në një skenë do të shfaqen së bashku Alketa Vejsiu dhe Arbana Osmani, dy prej figurave më ikonike të moderimit në Shqipëri.
Përmes një postimi në Instagram, Alketa shkruan plot emocion:
“Në finalen e @xfactor.albania nesër, do të ndaj skenën me shumë dashuri me @arbanao, bashkëudhëtarja e një epoke sa çerek shekulli në Radio dhe Televizion. Universet tona paralele nesër bashkohen në një pikë në ekranin e @rtvklan. Jam shumë shumë e lumtur. Për ne, muzikë është fjala. Shihemi nesër. Po, kam përdorur dhe pak filtra, na falni.”
Ky bashkëmoderim vjen si një surprizë e bukur për publikun dhe një simbolikë e fuqishme e bashkimit në skenë të dy zërave që kanë shoqëruar breza të tërë shqiptarësh në ekran dhe në radio.
Finalja e “X Factor Albania” pritet të jetë jo vetëm një garë muzikore emocionuese, por edhe një ngjarje televizive që do të mbetet në kujtesën e publikut.
