Orgesa Zaimi ka publikuar videoklipin e ri “E Premte”, një projekt muzikor i gjallë, me nota melankolie e ironie, që rrëfen lodhjen e ditëve të javës dhe gëzimin e vetmuar të një të premteje të shumëpritur. Kënga, tashmë e disponueshme në të gjitha platformat muzikore këtu, vjen me tekst të Armend Rexhepagiqit dhe orkestrim nga Jeris Kaso, duke sjellë një frymë moderne dhe të ndjerë në skenën shqiptare.
Teksti përshkruan ciklin monoton të javës, të mbushur me lodhje, apati dhe rutina, derisa vjen “e premtja”, dita ku shpresa për gjallëri dhe dashuri bëhet e vetmja arsye për të marrë frymë.
Videoklipi është prodhuar nga MAX Production dhe sjell një pamje stilistike të rafinuar dhe emocionale, me përfshirjen surprizë të “Lucy”, maceja e zezë që duket si një simbol i qetësisë mes kaosit ditor.
Për pamjen e saj në klip, Orgesa është kujdesur nga Abi Luxury Hair Salon, ndërsa stilimi është bërë nga Anisa Haroku.
Projekti është publikuar nga GO Digital Music në kanalin zyrtar Youtube të këngëtares dhe në të gjitha platformat muzikore online.
Refreni i këngës është kthyer tashmë në një frazë identifikuese për shumë dëgjues:
“Jam e lumtur veç kur është e premte…” – një ndjesi kolektive që e bën këtë këngë të veçantë dhe të afërt me publikun.
A je edhe ti një nga ata që jetojnë vetëm për të premten?
