Tashmë faza përgatitore për formatin e ri “Në kurthin e Peter Pan?” në TV Klan kanë nisur me audicionet. Producentja Alketa Vejsiu këto ditë është e angazhuar në përzgjedhjen e protagonistëve të vegjël që do të mbërthejnë teleshikuesin përpara ekranit.
Një nga detajet që na bën gjithmonë kureshtar ne është edhe skenografia e programit, që mesa duket mund të jetë zbuluar disi nga vetë Alketa me një postim në profilin e saj në instagram. Nuk e dimë nëse kjo do të jetë vërtetë skena e formatit të ri por mbetet gjithçka për t’u zbuluar në ditët në vazhdim.
Audicionet kanë filluar dhe kanë qenë pikërisht kjo arsyeja që Alketa ka zbuluar edhe skenografinë e misionit ku fëmijët do të shpalosin talentet e tyre. Teksa poston këtë foto, ajo shkruan:
“Ishim të papërgatitur për aq shumë fëmijë në audicione dje dhe sot! Ishin vërtetë shumë! Vazhduam edhe sot me përzgjedhjen! Kam mbi 18 orë që pyetem dhe më pyesin! Përfundimisht fëmijët janë gazetarët më origjinalë! Mund të them vetëm që kam njohur vërtetë fëmijë të mrekullueshëm, njëri më i bukur se tjetri, të veshur bukur, me fantazi, me talent, të artikuluar, jam kaq e kënaqur! Faleminderit të gjithë prindërve, atyre që erdhën nga larg, që priten, që nuk u lodhen, që duruan, që bashkëpunuan me ne! Ky spektakël do jetë një argëtim i vërtetë në @rtvklan dhe një mundësi e përveçme që fëmijët të shpalosin talentin dhe të bëhen frymëzim për fëmijë të tjerë! Fëmijët e përzgjedhur mbi bazën e talentit të tyre natyral për të folur në publik, do kontaktohen nga produksioni! Po mendojmë edhe për një datë tjetër audicioni që të kënaqim sa më shumë kërkesa dhe t’ju japim mundësi sa më shumë fëmijëve! FALEMINDERIT”.
