Anxhela Peristeri “fituese” e FiK 59 dhe përfaqësuese e Eurovision 2021? Festivali i Këngës sqaron lajmin e rremë

Bashkohuni me grupin tonë zyrtar në Facebook duke klikuar këtu!

Ditët e fundit në faqet informative të internetit është shpërndarë lajmi se Anxhela Peristeri, konkurente këtë edicion, është “fituese” e Festivalit të Këngës dhe si rrjedhojë dhe përfaqësuese e Shqipërisë në RTSH.
Por duket se gjithçka ka qënë një “lajm i rremë” e gjitha kjo nisur nga kompozitori Miron Kotani i cili ka provokuar gazetarët përmes një lajmi të triulluar. Në postimin e artistit, një komision i caktuar ka përzgjedhur dhe renditur pikët për çdo konkurent por dhe duke shpallur “fituesin” e Festivalit të 59-të të Këngës  në RTSH.
Duke dyshuar për vërtetësinë e lajmit i cili dilte jashtë çdo skenari por dhe standardi në mënyrën se si përfaqësuesi i Festivalit të Këngës zgjidhet, InfoMedia Albania kontaktoi me Kozeta Kurtin, PR i FiK.
“Per rastin ne fjale, ju konfirmoj se gjithcka ka nisur nga nje kurth qe kompozitori Miron Kotani (i cili s‘ka lidhje me Festivalin kete vit, as si ofrues i ndonje sherbimi te caktuar, as si konkurrent) u ka ngritur gazetareve me nje lajm te trilluar te publikuar ne facebookun personal te z. Kotani. Se pari ka qene portali newsbomb qe nuk ka konfirmuar burimin dhe me pas, te gjitha mediat kane bere copy paste njera tjetren.
Z. Kotani e sqaroi ne nje status tjeter, qe e trilloi lajmin dhe newsbomb fshiu linkun e pare (sic mund te kerkoni) dhe publikoi linkun – shprehet Kurti.
Vetë kompozitori Miron Kontanti ka reaguar dhe në rrjetin e tij në Facebook aty ku dhe ka nisur gjithçka, ku ka ironizuar mediat të cilat nuk e verifikuan lajmin.

Reagimi në Facebook i Miron Kontanit
Festivali i 59-te i Kenges ne RTSH, do te mbahet ne datat 17,18,19 Dhjetor 2020. Nisur nga pandemia dhe ky edicion do të jetë i pazakontë. Festivali ndryshe nga edicionet e kaluara do të zhvillohet në ambient të hapur. Një detaj që RTSH ka sqaruar është se datat mund të ndryshojnë nga kushtet e motit ose nga të papriturat që pandemia do të sjelli këtë edicion.
Para pak javësh Festivali i Këngës publikoi dhe këngët e artistëve konkurentë për këtë edicion të 59-të të Këngës, ku fituesi do të përfaqësojë vendin tonë në Eurovision 2021./InfoMediaAlbania/

LEXO EDHE: Publikohen këngët e Festivalit të 59-të të RTSH | VIDEO