Arbana Osmani një ndër moderatoret më të dashura nga publiku, është në pritje të ëmbël dhe tashmë gjithçka është e konfirmuar.
Lajmin e shtatëzanisë së dytë, e ka dhënë vetë Arbana ditën e sotme teksa më parë hodhi poshtë të gjitha spekulimet se ishte në një pritje të ëmbël. Dyshimet e para erdhën tek format trupore të Arbanës si dhe planet e kamerës të cilat përpiqeshin që të mos kapnin detajet e “pa nevojshme” gjatë programit “Dua të të Bëj të Lumtur”.
Sot ajo në një postim story në Instagram, ka konfirmuar pritjen e fëmijës së dytë me partnerin e saj Eduart Grishaj, njëherazi dhe regjisor i programit të njohur që aktualisht Arbana drejton.
Teksa ka uruar ditëlindjen e bashkëshortit të saj, Arbana është shprehur se ai është gjithashtu babai i fëmijës së saj: “Gëzuar Ditëlindjen për shpirtin tim binjak, shokun tim të ngushtë, ai që ka zemrën time (dhe njëherazi që së shpejti do bëhet baba). Të dua!” shprehet Arbana.
Aktualisht programi i Arbana Osmanit, “Dua të të Bëj të Lumtur” është pezulluar për shkak të pandemisë së koronavirusit dhe rregullave të reja që qeveria shqiptare ka vendosur për praninë e njerëzve në studio. Ndërkohë që transmetimi i tij do të fillojë për pak ditë, më 16 Maj pas një ndërpreje pothuajse 2 mujore.
IMA i uron Arbanës, një pritje të ëmbël dhe të mbarë! 🙂
