Ditën e sotme Bashkia e Fierit njoftoi se do të fillonte kufizimet e ujit në qytet për të reduktuar koston e energjisë elektrike një pretekst qesharak kur vjen fjala për nevoja jetike.
Sidoqoftë Bashkia duket se ndryshoi deklaratën kësaj here, duke luajtur me fjalët dhe sipas saj duke saktësuar deklaratën lidhur me kufizimin e ujit.
Sipas Bashkisë,kufizimi nuk do të jetë ndërprerje e ujit por ulje e presionit gjatë orarit 24:00 – 05:00 e cila për bashkinë e Fierit është e papërfillshme. Sidoqoftë, cilësia e ujit në qytetin e Fierit ngelet e dobët dhe madje presioni prej kohësh nuk është i mjaftueshëm për qytetarët të cilët përdorin pompa për të marrë ujin në banesa.
DEKLARATA E BASHKISË
Në vijim të njoftimit për furnizimin me ujë, saktësojmë se:
📌Kufizimi ka të bëjë me uljen e presionit të ujit dhe jo me ndërprerjen e tij.
📌Ky kufizim do të jetë gjatë orëve të natës 24:00 – 05:00, kur ndikimi i këtij kufizimi do të jetë gati i papërfillshëm për abonentët, por i ndikueshëm në kursimin e Energjisë që harxhojnë pompat furnizuese të qytetit.
Faleminderit!
