Rreth 450 vende pune do të shkurtohen nga BBC News sipas planeve për të përfunduar objektivin e saj të kursimeve prej 80 milionë paund deri në vitin 2022.
Programet që do të goditen nga mbyllja e vendeve të punës përfshijnë: Newsnight të BBC Two, BBC Radio 5 Live dhe programi World Update në World Service.
Bosi i BBC News, Fran Unsworth tha se duhej bërë një lëvizje e tillë nga transmetimi tradicional drejt atij digjitalit. Por sindikata e transmetimit, Bectu tha se ndryshimet tregojnë që stafi do të jetë nën një presion edhe më të madh, për të ofruar më shumë.
Shkurtimet e njoftuara të mërkurën përfshijnë mbylljen e programit “Victoria Derbyshire” të BBC-së, shkruan dritare.net
BBC News aktualisht ka të punësuar rreth 6.000 persona, përfshirë 1.700 jashtë Britanisë së Madhe. Buxheti i saj pas ndryshimeve do të jetë rreth 480 milionë në vit.
