Presidenti i Shteteve të Bashkuara të Amerikës, Joe Biden, ka pezulluar veprimet ligjore kundër TikTok dhe WeChat, të cilat mund të ndaloheshin në territorin e SHBA-së.
Ish-presidenti, Donald Trump, kishte kërkuar ndalimin e dy aplikacioneve, duke pretenduar se ato ishin një kërcënim i sigurisë kombëtare.
Të dy kompanitë kishin ndërmarrë veprime ligjore kundër ndalimeve të propozuara, njofton BBC.
Administrata e re tani ka kërkuar një “pezullim” të procedurave ndërsa rishikon nëse aplikacionet paraqesin vërtet një kërcënim.
Aplikacioni për mesazhe, WeChat, ka më shumë se një miliard përdorues në të gjithë botën, por sipas këtij rrjeti social, SHBA-ja sjell vetëm 2% të të ardhurave të saj.
Aplikacioni për shpërndarjen e videove, TikTok, ka rreth 800 milionë përdorues në të gjithë botën, nga të cilët 100 milionë janë brenda Amerikës.
