Boy George ka lajmëruar fansat se së shpejti do të realizohet një film biografik në lidhje me karrierën e tij me titullin Karma Chameleon.
George ka bërë me dije se prodhimi i filmit do të fillojë në verë, duke lënë të kuptohet gjithashtu thashethemet se Keanu Reeves do të donte të shfaqej në film.
Së fundmi Boy George dhe grupi Culture Club janë rikthyer në tregun muzikor me “Let Somebody Love You”
“Jam shumë i ngazëllyer për filmin që do të realizohet për jetën time dhe Culture Club të quajtur Karma Chameleon, i cili do të xhirohet këtë verë në Londër dhe në të gjithë botën,” tha këngëtari, duke deklaruar se Danny Mays tashmë do të luaj babai e tij dhe ka shtuar se: “Ka zëra për përfshirjen e Keanu Reeves … ohh, unë nuk përmend emra!”.
Pas fjalëve të Boy George për Keanu Reeves, një përfaqësues i Keanu Reeves i tha për PinkNews orët e fundit se aktori nuk është ‘i përfshirë në projekt’. Për momentin, shoqëruesit e Boy George nuk i janë përgjigjur këtij mohimi. Mbetet të shihet se kush do ta interpretojë Boy George në film. Sipas Deadline, filmi “do të eksplorojë fillimet e përulura të George në një familje të klasës punëtore Irlandeze, përmes ngritjes së tij në krye të top listave ndërkombëtare me grupin e viteve 80, Culture Club.
Mbetet e paqartë nëse filmi do t’i referohet edhe viteve të mëvonshme të Boy George dhe çështjeve të tij ligjore.
