Bojken Lako vjen këtë herë në ekranin e RTSH me një formati të ri televiziv me tiutll “Bulza”. Një lloj talent show i mbyllur në hapsirat e një studio radiofonike ku pjesëmarrësit do të performojnë live. Në qendër të programit, që do të nis së shpejti në RTSH dhe Radio Tirana, do të jetë promovimi i talenteve dhe krijuesëve të rinj përmes hapsirës televizive ku do të shfaqin aftësitë e tyre për t’u bërë të njohur, pse jo për t’u qenë yjet e ardhshëm të skenave muzikore shqiptare.
Bulza Live Session është një projekt muzikor radio televiziv, i cili ka për qëllim zbulimin dhe promovimin e muzikës së re të krijuar nga artistë të rinj dhe jo vetëm.
Grupe të rrymave të ndryshme muzikore, kompozitorë dhe krijues të cilët kanë nevojë të shfaqin e të publikojnë krijimet e tyre fillimisht live e më pas këto krijime do të publikohen në cd compilation për publikun dhe ndjekësit e muzikës.
Qëllimi i këtij formati është që artistët e krijuesit të mos frenohen nga pamundësia ekonomike për të ndjekur zinxhirin promovues të nevojshëm për regjistrimin dhe publikimin e një kënge.
Bulza Live Session nëpërmjet mbështetjes mediatike dhe teknike të Radiotelevizionit Publik Shqipëtar i mundëson këtyre krijuesve kushtet për të paraqitur këto krijime në këtë program.
Këngët do të luhen live në një nga studiot kamerale të Radio Tiranës (nga grupe të ndryshëm, pjesmarrës në program ose edhe nga këngetarë të cilët sipas kërkeses së tyre do të shoqërohen nga instrumentistë profesionistë te regjistrimit ,mundësuar nga organizatorët).
Ky program do të transmetohet për publikun 4 herë në javë në të njëjtën kohë në valët e Radio Tiranës dhe në ekranin e Televizionit Publik Shqipëtar.
Në përfundim të këtij programi të gjitha performancat do të regjistrohen profesionalisht e pasi të masterizohen do të botohen cd promocionale me të gjitha kënget e ketij festivali alternativ muzikor.
Çdo cikël i këtij programi do të ketë edhe finalen e tij të organizuar në ambientet e Radiotelevizionit Shqipëtar për publik të gjërë.
Kjo finale do të mbahet në studion e madhe të orkestrës simfonike.
Bulza Live Session synon që të krijojë një mundësi të vërtetë të promovimit të një krijimi që nga Bulza muzikore, më pas tek zhvillimi i kompozimit e deri tek forma e plotë muzikore, që duhet të shfaqet në publik.
Bulza është një Vizion i ri i promovimit muzikor.
Për t’u bërë pjesë e programit të ju mund të dërgoni demot tuaja (demot mund të jenë regjistrime të thjeshta) në: bulzalivesession@gmail.com
Spoti TV
https://www.youtube.com/watch?v=oO8EEuptq5Q
