Aktori i Hollivudit, Charlie Sheeen, vuan nga SIDA. Ky fakt është zbuluar nga mediat amerikane dhe kaq ka mjaftuar që jo pak njerëz në Hollivud të shqetësohen për shëndetin e tyre. Aktori që njihej për jetën e shthurur dhe varësinë nga seksi mendohet se ka paguar rreth 5 milionë dollarë në mënyrë që informacioni mbi shëndetin e tij të mos dilte në publik.
“RadarOnline” shkruan sot se pas një hetimi 18-mujor, ‘“Enquirer” publikon emrin e aktorit 50-vjeçar të çmendur pas seksit, i cili ka një histori të gjatë të frekuentimit të yjeve të pornos e balerinave të klubeve të natës etj. Ai tashmë është i dëshpëruar në përpjekjet për të mbuluar gjendjen e tij shëndetësore dhe kjo po i kushton miliona”.
Më tej, portali citon një mik të afërt të aktorit, i cili shprehet se “Charlie mendonte se ishte i pathyeshëm dhe nuk ka marrë asnjëherë masa, edhe pse është përfshirë shpesh në praktika seksuale të rrezikshme”.
Sheen është mburrur shpesh se ka fjetur me të paktën 5000 femra dhe nëse kjo është e vërtetë, shumë prej tyre pritet të jenë infektuar.
“The National Enquirer” shkruan se të paktën katër femra mendohet se janë infektuar nga aktori, i cili paguante mijëra dollarë vetëm që kjo gjë të mos merrej vesh. Ai e ka paguar heshtjen e një vajze me 13 mijë dollarë çdo muaj.
Marre nga Dita
