Çmenduri në Bulqizë! 41 vjeçari rreh barbarisht nënën me dru, policia i gjen dy thika në brez

Bashkohuni me grupin tonë zyrtar në Facebook duke klikuar këtu!

Policia e Bulqizës ka vënë në pranga një 41 vjeçar, pasi ka rrahur barbarisht me dru nënën e tij. Mësohet se gjatë kontrollit fizik në momentin e shoqërimit policia i gjeti në trup edhe dy thika.

“Shërbimet e Komisariatit të Policisë Bulqizë , menjëherë pas njoftimit të marrë se në një banesë djali po dhunonte nënën duke i rrezikuar jetën , menjëherë kanë shkuar në adrësën e dhënë duke bërë neutralizimin dhe prangosjen e personit, i cili në momentin e kapjes nga policia, gjatë kontrollit fizk ju gjetën në trup edhe dy armë të ftohta thikë.

Në pëfundim të veprimeve nga specialistët për Hetimin e Krimit në Komisariatin e Policisë Bulqizë, u arrestua në flagrancë shtetasi :

L. Xh., 41 vjeç, banues në Gjoricë, Bulqizë.

Ky shtetas në banesën e tij është konfliktuar me nënën duke e dhunuar e goditur në trup me një send të fortë (dru) e cila ndodhet në spital jashtë rrezikut për jetën.”, njofton policia

Materialet procedurale do ti referohen Prokurorisë Pranë Gjykatës së Shkallës Parë Dibër për veprat penale “Dhuna në familje” dhe “Prodhimi, mbajtja, blerja apo shitja pa leje e armëve të ftohta”.