Është dashur ndërhyrja e moderatores Rudina Magjistari, që studioja të mos kthehej në një arenë më të fortë përplasjesh.
Ligji i ri për dhunën në familje ka sjellë një debat mes aktivisteve Sevim Arbana, Altin Hazizaj, Almeida Xhaferi dhe Denisa Daka. Të ftuara tek “Rudina” në Tv Klan, ato diskutuan për ndryshimet, ku Daka nuk ishte dakord, ndërsa aktivistet e tjera, e kanë ndërprerë teksa po fliste. Në këtë moment, Denisa Daka i ka kërcënuar se do të largohej nga studioja. Është dashur ndërhyrja e moderatores Rudina Magjistari, që studioja të mos kthehej në një arenë më të fortë përplasjesh.
PJESË NGA DEBATI:
Daka: Unë konsideroj sukses ligji ne 2006-ës, ndërkohë që nuk i konsideroj të përshtatshme ndryshimet e reja.
Arbana: Po në vitin 2011? Më fal…
Daka: Të lutem nuk të ndërpreva..
Arbana: Jo jo, vetëm këtë.
Magjistari: Cili është ligji i vitit 2006?
Daka: Është ligjit themelor, në vitin 2006 doli për herë të parë, ligji për masat kundër dhunës në familje. Ai formatoi për mënyrën se si do procedohet në këto raste. Janë bërë disa ndryshime, unë do ndalem tek ndryshimet e fundit. Së pari ndryshimet në këtë ligj, diskriminojnë burrat, flitet për viktima gra, ndërkohë që dhunuesi nuk ka gjini. Ndërkohë gjatë punës sime të gjatë…
Arbana: Nuk është kështu.
Daka: Të lutem thamë që nuk do e ndërpresim njëri-tjetrin.
Arbana: Të jemi të saktë.
Daka: Dhunuesi…
Xhaferi: Dhunuesi përfshihet dhe nëse është i mitur, qoftë burrë apo grua.
Daka: Rudina nëse do më lesh hapësirën e duhur, unë kam ardhur për të dhënë fjalën time.
Arbana: Po nuk mund të themi gjëra…
Daka: Atëherë unë po dal nga studio fare dhe kaq. Jo kjo është dhunë, kjo është dhunë.
Arbana: Po jo me gënjeshtra.
Daka: Nuk mund të..
Magjistari: Denisa po këtu nuk ka asgjë për të reaguar…
Daka: Unë kam ardhur të them mendimin tim.
Magjistari: Lëreni Denisën të flasë.