Kryebashkiaku i Vlorës Dritan Leli thotë se Bashkia ka fituar në Arbitrazh gjyqin me kompaninë e parkimeve Tis Park, dhe kjo e fundit duhet të paguajë 700 mijë dollarë.
“Mbrëmë në darkë ka ardhur njoftimi nga gjykata e Arbitrazhit në Paris që Bashkia e Vlorës ka fituar çështjen me Tis Parkun. Tani kontrata me Tis Parkun quhet e përfunduar. Bashkia e Vlorës nuk do të ketë asgjë kosto në vazhdimësi. Dhe detyrohet firma Tis Park të paguajë një shumë rreth 700 mijë dollarë
Bashkisë së Vlorës si dhe detyrimet e tjera që jenë për ketë çështje. Nuk do jemi më peng e kërkesës absurde nga kjo firmë e cila kërkonte 23 milionë euro dëmshpërblim për prishje të njëanshme të kontratës”, tha kryebashkiaku Leli për mediat.
Kujtojmë se, Tis Park është kompania që fitoi tenderin për menaxhimin e parkingjeve publike në qytetin bregdetar të Vlorës, por për shkak të protestave nga vlonjatët, Bashkia e prishi kontratën me të. Me prishjen e kontratës, kompania hodhi në gjyq Bashkinë dhe kërkonte 23 milion euro dëmshpërblim.
