Një rast kontradiktor ka ndodhur me një grua e cila ka kallëzuar bashkëjetuesin për d hunë psikologjike dhe më pas ka kundërshtuar policët.
Fillimisht, ajo pretendonte se ndaj saj ishte ushtruar d hunë dhe policët shoqëruan bashkëjetuesin D.Sh.
Në komisariat, E.S, nuk ka pranuar që të ndalohej bashkëjetuesi i saj, madje duke goditur edhe me gurë policët.
NJOFTIMI NGA POLICIA
Pogradec
Nga specialistët për Hetimin e K rimeve në Komisariatin e Policisë Pogradec, filloi procedimi penal për veprën “D huna në familje” për shtetasin D. Sh., 28 vjeç, banues në Pogradec, pas kallëzimit të bërë nga bashkëjetuesja e tij shtetasja E. S., e cila pretendonte se D. Sh., në banesë, kishte ushtruar d hunë psikolgjike ndaj saj.
Në momentin që punonjësit e policisë, kanë kapur dhe shoqëruar bashkëjetuesin e saj, shtetasja E. S., ka qenë duke dalë nga ambientet e Komisariatit dhe u konfliktua me punonjësit e policisë, duke i kundërshtuar ata, me qëllim që shtetasi D. Sh., të mos ndalohej prej tyre pasi E. S., do ta tërhiqte kallëzimin e saj.
Sqarojmë opinionin publik në lidhje me një video të publikuar në disa rrjete sociale, se ndaj shtetases E. S., nuk është ushtruar d hunë fizike, por pamjet filmike të videos, përkojnë me momentin kur kjo shtetase kundërshtoi me forcë punonjësit e policisë, për të liruar bashkëjetuesin e saj, duke qëlluar edhe me sende të forta (gurë) ndaj tyre.
