Generda dhe Meri ishin dy finalistet e “Love Story”. Në rrjet u përfol shumë se zgjedhja e Saimirit do të ishte pikërisht Generda, madje edhe vajza në fjalë ishte mjaft e sigurt për simpatinë e anasjelltë të krijuar me Saimirin.
Mirëpo, në fund Saimiri zgjodhi Merin, duke i lënë kështu një shije të keqe vajzës që kishte ardhur enkas nga Gjermania për të fituar zemrën e tij. Ajo ka dhënë një intervistë për Revistën Bordo:
A po e shijon famën?
Mund të them që më bëhet qejfi kur publiku më komplimenton, gjë që i pëlqen çdo personi besoj.
Nëse do e kishe ditur që në fillim që Saimiri do zgjidhte Merin, do e kishe vazhduar programin?
Jo, absolutisht Jo! Nuk di dhe nuk dua të shtirem.
Çfarë po ndodh me jetën tënde sentimentale?
Tani për tani jam e lirë dhe e lumtur si një dallëndyshe
A mbete e zhgënjyer natën finale nga Saimiri?
Shumë, nuk e prisja dhe nuk e mendova për asnjë moment që unë nuk isha zgjedhja e Saimirit.
A je xheloze për Saimirin dhe Merin?
Jo, aspak fare!!! Për çfarë duhet të jem xheloze?!
A mendon që ti duhet të ishe zgjedhja e Saimirit dhe jo Meri?
Po, e mendova!
Ke patur ndonjë propozim për të qenë protagoniste në LS II?
Jo, nuk kam patur!
Si mendon se do të ishte eksperienca jote me 18 konkurentë sezonin tjetër të LS?
Nuk e di, nuk arrita dot të kuptoj një djalë, merre me mend 18.
Nëse do të ishe ti protagoniste LS dhe ndër djemtë që do të “garonin” për zemrën tënde do të ishte edhe Saimiri , a do ta kishe zgjedhur?
Vetëm nëse Saimiri do të ishte i sinqertë siç isha edhe unë me të, atëherë ndoshta Po.
A ke komunikuar më me Saimirin pas përfundimit të Love Story?
Jo!
Çfarë mendimi ke për thashethemet që janë përhapur për një lidhje të mundshme midis teje dhe Saimirit?
Nuk merrem me thashetheme, nuk janë për mua
A ndjen ende për Saimirin?
Kam respekt!
Cili është kujtimi më i bukur me Saimirin?
Të gjitha janë shumë kujtime të bukura, Turqia ishte qershia mbi tortë.
Çfarë planesh ke për të ardhmen?
Nuk kam plane të medha, shpresoj të më shkojnë gjërat ashtu siç po më shkojnë perfekt si tani, do jem mëse e lumtur!
