Anxhelina Hadërgjonaj ka gati projektin e radhës. Përmes një postimi të publikuar së fundmi në rrjete sociale, ajo bëri të ditur se shumë shpejt do publikojë një këngë të re. Autorja e “Precious” ka njohur fansat me një pjesë të klipit, i cili duket duket të jetë shumë i veçantë dhe me skena të nxehta. Deri tani nuk ka ende detaje se kur do publikohet ky projekt, por nga ajo që ka shkruar artistja, ai do mbaj titullin “RunFor”. Rrjedhimisht, nisur nga titulli jemi të mendimit se do jetë në gjuhën angleze.
Disa javë më parë, në një intervistë për “Pardon my french” në Top Albania Radio, Anxhelina tha se bëri një pauzë të gjatë në muzikë për arsye se dëshironte më të mirën e mundshme dhe jo këngë komerciale. Sa i përket të ardhmes, Anxhelina tregoi se do vijë me shumë projekte, mes të cilave disa bashkëpunime me artistë të huaj. Ndërkohë, këngëtarja ka pranuar se do kishte dëshirë të bashkëpunonte edhe me artistë shqiptarë, por deri tani nuk ka asgjë konkrete. Kujtojmë se Anxhelina u rikthye pas 9 vitesh mungesë në muzikë me një këngë të re “Precious”. Ky projekt muzikor rezultoi i suksesshëm dhe Anxhelina vërtetoi se publiku ja kishte ndjerë realisht mungesën. Pak ditë më pas këngëtarja lançoi “No Drama”, që po ashtu u pëlqye shumë.