Tashmë edhe vendi ynë do të ketë pasaportën që dëshmon vaksinimin. Shqiptarët do të pajisen me pasaportën Covid, vetëm pasi të kenë marrë të dyja dozat e vaksinës.
Aplikimi për tu pajisur me këtë lloj dokumenti bëhet në e-Albania dhe ka vlerë ligjore për të treguar se personi i pajisur me të, është i imunizuar dhe mund të udhëtojë lirshëm.
Shërbimi elektronik “Pasaportë vaksinimi Covid-19” u mundëson të gjithë qytetarëve që kanë kryer dy dozat e vaksinimit të gjenerojnë online pasaportën e vaksinimit për covid-19 me kodin unik. Pas kryerjes së vaksinimit qytetarët njoftohen nëpërmjet një mesazhi kur pasaporta të jetë gati për t’u shkarkuar në portalin e-Albania.
Dokumentacioni i nevojshëm
Për këtë shërbim nuk nevojitet dokumentacion shoqërues.
Hapat e procedurës
– Identifikohuni si qytetar në portalin e-Albania; – Zgjidhni shërbimin “Pasaportë vaksinimi Covid-19”; – Klikoni butonin “Përdor”; – Klikoni butonin “Shkarko dokumentin”; Pasaportën e vaksinimit Covid-19 me kodin unik mund ta gjeni në çdo kohë në seksionin “Dokumentet e mia” te hapësira juaj në portalin e-Albania.
Koha e nevojshme e marrjes së shërbimit
Menjëherë
Kostot
Pa pagesë
