Kryeministri Rama ka shtuar edhe më tej masat shtrënguese lidhur me parandalimin e koronavirusit. Ai ka njoftuar me anë të një postimi në Facebook, se është gati aplikacioni online ose me sms, për të marrë leje për të bërë pazar. Nga sot e tutje nuk mund të dalin të gjithë anëtarët e familjes, por vetëm një person.
Ai do të ketë të drejtën për të kryer të gjitha blerjet për shtëpinë. Po kështu, sikundër edhe javën që lamë pas, nga ora 13:00 nesër e deri të hënën në orën 05:00, të gjithë do të qëndrojnë të mbyllur në shtëpi.
Çdo gjë tjetër do të jetë e mbyllur, duke filluar nga bizneset, furrat e bukës e farmacitë. Kjo skemë do të vijojë edhe këtë fundjavë.
Këto masa të rrepta vijnë në një kohë kur shumë të moshuar dalin për të kryer pazarin, ndonëse e kanë të ndaluar. Madje ka qenë vetë kryeministri Rama që ka dalë në terren, dhe ka hasur në shkelje të shumta nga ana e qytetarëve, të cilët shkelin orarin e vendosur nga qeveria.
Statusi
🔴 GATI APLIKACIONI ONLINE OSE ME SMS PËR LEJE-DALJEN E VETËM NJË PERSONI NGA FAMILJA PËR TË BËRË PAZAR!
🔴 NJËSOJ SI JAVËN E SHKUAR, NGA ORA 13.00 NESËR DERI TË HËNËN 05.00 TË GJITHË NË SHTËPI DHE TË GJITHË QEPENAT MBYLLUR!
🔴 NGA E HËNA ASKUSH NUK DEL DOT MË NË PAZAR, PA MARRË LEJEN DIGJITALE ME E-MAIL OSE TELEFON NË EMËR TË FAMILJES
*pas pak do të bëjmë prezantimin e aplikacionit që është shumë i thjeshtë dhe nga e hëna e deri në mbarim të luftës, do të jetë e vetmja rrugë për të dalë nga shtëpia në Tiranë e në qendrat urbane.
