Edi Rama është i pari politikan në Shqipëri (demokratike) që është në krye të qeverisë për më shumë se dy mandate, teksa ndodhet në mes të të tretit dhe po ashtu mund të bëhet i pari kryeministër, jo vetëm në vendin tonë, por ndoshta në të gjithë botën që do të kenë emisionin e tij.
Këtë e themi pas një postimi të fundit të kreut të qeverisë në rrjetet e tij sociale, ku ai ka publikuar një poster të tijin, aspak të zakonshëm për një politikan dhe bashkangjitur me të shkruan “Së shpejti”. Disa detaje që vumë re nga postimi është emri i asaj cfarë do të nisë Rama, që është “Hajde Flasim”, shprehje që ai e përdori shpesh gjatë protesës së studentëve disa vite më parë, po ashtu fotoja e tij ku shfaqet si rrallë herë me syze dhe gati për të nisur dicka krijuese, po ashtu edhe mikrofoni ngjitur me caption-in e postimit.
Të gjitha këto detaje na bëjnë të mendojmë se Rama do të nisë vërtetë dicka të re në media, por që me shumë gjasë mund të jetë një podcast në platformën e tij transmetuese ERTV, ose një program në radio, megjithëse nuk e dimë nëse lejohet që kreu i qeverisë së një vendi të ketë një format të tijin në radiot kombëtare, duhet të shohim ligjet.
Fundja, kjo iniciativë e re mund të jetë edhe thjeshtë një rubrikë e re e tija në rrjetet sociale, ku tashmë dihet që atij i pëlqen të eksperimentojë shumë, ose edhe në Youtube. Tani, pasi i kemi marrë parasysh të gjithë opsionet, duke përjashtuar me siguri televizionin, po shpresojmë të jetë vëretetë një podcast dhe të jetë me të ftuar nga showbiz-i sepse pse jo.
Kjo mund të jetë edhe një lëvizje e zgjuar e kreut të qeverisë për fushatën zgjedhore që fillon pas disa ditësh, gjithcka mund të presim, për momentin thjesht dihet që do të nisë shumë shpejtë.
Marrë nga news-31.com
