Një vit pritje, vetëm për të zbuluar se asgjë nuk do të jetë më e njëjta gjë. Netflix, me një video të publikuar në internet, konfirmoi datën e premierës së Elite 4 dhe ndryshimet që pritet të ndodhin në sezonin e ri. Sezoni i katërt i serialit spanjoll, me protagonist Jamie Lorente, Denver, në oborrin e të pasurve, do të shfaqet në platformën streaming 18 qershorin e ardhshëm, duke lënë jashtë loje personazhet e vjetër. Ester Expósito (Carla), Danna Paola (Lucrecia), Mina El Hammani (Nadia), Jorge López (Valerio) dhe Álvaro Rico (Polo) nuk do të kthehen në Las Encinas, një shkollë e njohur ndërkombëtare ku një vrasje ka ndryshuar ekzistencën e protagonistëve.
Élite 4, subjekti i të cilës është ende i pa zbuluar, do të bazohet në një histori të re: intriga të reja, dashuri të reja, trekëndësha të rinj dhe dramatikë. Videoja e shkurtër që Netflix ka lëshuar në kanalet e saj sociale tregon, në fakt, afërsinë kimike dhe potencialisht të rrezikshme midis shkollës së vjetër dhe asaj të re, protagonistëve të tre sezoneve të kaluara dhe personazheve të ri, Andrés Velencoso, Manu Rios, Carla Díaz, Martina Cariddi, Pol Granch dhe Diego Martín.
Itzán Escamilla (Samuel), Miguel Bernardeau (Guzmán), Claudia Salas (Rebeka), Arón Piper (Ander) dhe Omar Ayuso (Omar), së bashku me Georgina Amorós (Cayetana), do të jenë studentët e vetëm që do të rishfaqen në korridoret e institutit të kushtueshëm, të detyruar të gjithë, për të përsëritur vitin.
