Pak ditë më parë, nisur nga një lajmërim që ‘Top Channel ‘ kishte publikuar në rrjete sociale, u aludua se dy moderatorët e ‘Portokalli’ nuk do të ishin më pjesë e spektaklit të humorit.
“#Portokalli🍊, tempulli i humorit shqiptar, në prag të fillimit të sezonit të ri shpall audicionet për aktorë, moderatorë, tekstshkrues! Të interesuarit mund të paraqiten në Top Channel çdo ditë, në orën 10:00 duke filluar nga data 12 Shkurt”, shkruhej në tekst duke hapur njëkohësisht dhe audicionet për moderatorë, aktorë dhe tekst shkrues.
Nuk ka vonuar dhe aludimet tanimë kanë marrë fund. Eneda Tarifa ka konfirmuar largimin e saj nga spektakli i humorit, duke shpjeguar dhe arsyet e këtij vendimi.
“Te dashurit e mi, miq real e virtual.
Me duhet t’ju njoftoj se rrugetimi im me spektaklin “Portokalli” perfundon ketu. U riktheva me mall ne ate skene kur mu propozua nga drejtuesit dhe ne nje fare menyre “E nxorra mallin…” kur i thone nje fjale 😉.
Por eshte momenti qe te sjell ne jete projektet e mia pa me “shitur” dhe pa me “blere” dikush (sikurse shkruhet ne disa portale) dhe vazhdoj te jap kontributin tim artistik per kete vend.
Do komunikoj me ju vetem ne profilet e mia zyrtare ne rrjete sociale dhe ne kanalin tim ne Youtube. Shihemi se shpejti…
Faleminderit qe jeni gjithmone me mua dhe me keni mbeshtetur. Love you all 💓”, kanë qenë fjalët e saj.
Ndërkohë edhe Salsano ka vendosur të tregojë në mënyrën e tij nëse do të jetë apo jo pjesë e ‘Portokalli’ këtë sezon. Me anë të një fotografie në rrjetin social ‘Instagram’ nga ambientet e ‘Top Channel’ ai ka konfirmuar kështu moderimin e spektaklit.
Salsano ndodhej krah aktorit Erdit Asllanaj, në të cilën ka shkruar: “Prova baleti. Efekti” dhe mesazhi që ka përcjellë është mjaft i qartë.
