Çmimet e “The e Eutelsat TV Awards” të këtij viti të këtij viti u shpallën në Romë mbrëmjen e së Premtes në një ceremoni gala ku morën pjesë mbi 300 drejtues të industrisë së televizionit nga e gjithë bota.
Këtë herë me edicionin e 18-të, “The Eutelsat TV Awards” ështe një konkurs vjetor në të cilin vlersohen të gjitha kanalet të cilat janë pjese e satelitit të transmetimeve Eutelsat. Strategjia e programeve të tyre, prodhimi dhe angazhimi audiencë vlerësohen nga një juri e pavarur ekspertësh të mediave nga mbarë bota, duke përfshirë Amerikën Latine për herë të parë këtë vit.
Përveç çmimeve të jurisë dhe atij të publikut, Eutelsat ka caktuar çmime për tre transmetuesit të cilët janë vlersuar për punën e tyre të jashtëzakonshme: Discovery për 30 vite jetë me një program të larmishem dhe intersant; për Televizionin Publik të Vatikanit me motivacion transmetimin e e pandërprerë të takimeve ndërkonbëtare të Papës; dhe për SBB, që operon në një platformë në Evropën Qendrore dhe Lindore, për kalimin nga Standard Definition në 100% HD në mënyrë që të japin abonentë cilësinë më të lartë të shërbimit.
Duke komentuar nga Roma, Michel de Rosen, drejtues i Eutelsat , ka thënë: “Awards është një mundësi unike për të marrë pulsin e industrisë sonë. Ne po shohim kanale që kanë filluar në platforma të internetit të shkojnë në transmetim satelitor për të zgjeruar shtrirjen e tyre. Gjithashtu çmimet jane edhe inkurajuese në mënyrë që televizionet të motivohen ti shërbejnë publikut. ”
Më poshtë është lista e plote e fituesve të këtij viti në Eutelsat Awards:
Fëmijët – ducktv – Slovakia
Kinema – Film Box Arthose– Shtetet e Bashkuara
Kultura / Dokumentar – 365 Days TV – Rusi
Fiction / General Entertainment – Sky Atlantic HD – Itali
Lifestyle – Trace Sport Stars – Francë
Music – Classica – Gjermani
Lajme – Rai News 24 – Itali
Sport – PXTV – Meksikë
Programi më i mirë – 1992 (Sky Atlantic HD) – Itali
Brenda Kalifatit Islamik- Lufta në emër të All-llahut (Spiegel TV ëissen) – Gjermani
Çmimi i Publikut – Al Jazzera Ballkan – Bosnja dhe Hercegovina
Në këtë event pretendentë për konkurentë ishin edhe kanale nga Shqipëria, pjesë e platformave Digitalb dhe Tring, përkatesisht Çufo TV, T HD, Living, të cilat nuk arritën të fitonin asnjë çmim.
Disa javë më parë ato nuk u nominuan për tu futur në konkursin e çmimeve duke humbur fazën e parë, ku mundësia e vetme për të fituar ishte Çmimi i Publikut i cili nuk u tregua shumë i mirë më kanalet Shqiptare.
IMA/ Ndalohet rishperndarja ne portale te tjera pa autorizim
