“Ç’a thu” është një nga emisionet më të nd jekura investigative, por tashmë, pas problemeve të “Agon Channel” nuk dihet cili do të jetë fati i këtij emisioni. Thuhet se Saimiri, së bashku me Gentian Zenelin do të transferohen në tv “Klan”, por, siç tregon Saimiri për “Bluetooth”, ende asgjë nuk është vendosur. I komentuar gjatë për pagën e tij marramendëse në “Agon Channel”, të gjithëve jemi kuriozë të dimë se cilat janë kushtet e kontratës së re të Saimirit në tv “Klan”.
E ndërsa moderatori karizmatik me fanatizëm preferon të qëndrojë i rezervuar, burime të “Bluetooth” kanë treguar se stafi i “Ç’a thu” kanë diskutuar tashmë për klauzolat e kontratës në tv “Klan”. Burime nga ky televizion rrëfejnë se Saimiri ka blerë vetëm kohën televizive në “Klan” dhe nuk do të marrë asnjë pagë nga televizioni. Moderatori do të shkojë pranë këtij televizioni me të gjithë stafin e “Ç’a thu” me të cilët ka punuar për më shumë se një vit në “Agon Channel”, ndërsa emisioni do të sponsorizohet nga subjekte të tjera private. Sidoqoftë, vetë Saimiri ndjehet i kënaqur, teksa tregon se akoma po vlerëson ofertat e shumta që ka marrë.
Saimir, jeni diskutuar për rrogën tuaj marramendëse në “Agon Channel”, e tashmë thuhet se “Ç’a thu” do të shfaqet në tv “Klan”. Cilat janë kushtet me të cilat keni shkuar pranë këtij televizioni dhe cila është ndjesia e rikthimit me një pagë normale? Pse duhet të mendoni se është pagë normale?
Vetëm në Shqipëri pyetet se sa paguhesh. Unë nuk kam për të thënë se sa është paga, por dikush që punon paguhet mirë mendoj.
Me pak fjalë jeni i kënaqur?
Sigurisht që jam i kënaqur, për çfarëdolloj veprimi që bëj. Jemi aq të zgjuar sa të bëjmë veprimet që duam dhe na interesojnë. Nuk na merr njeri me zor.
Cili do të jetë skandali i parë që do trajtoni në puntatën e parë në tv “Klan”?
Jam futur në një vorbull transfertash për momentin. Unë vetë nuk di asgjë akoma.
E keni vendosur datën e emisionit të parë të “Ç’a thu?”?
Kam shumë oferta në treg, nga shumë televizione dhe ende nuk kam vendosur për asgjë. Kur të vijë momenti do ta zbuloni të gjithë, kur të na shihni në ekran. Burimet tona tregojnë se jeni telefonuar disa herë nga Gent Pjetri (Doktori) për tu rikthyer në “Top Channel”.
Ju ka bërë ofertë ky televizion?
Jo, nuk më kanë kërkuar. Me Doktorin unë flas në telefon përditë, sepse e kam shok, por ai nuk ka tagrin për të më thënë hajde në punë, apo ik nga puna. Aktualisht kam shumë oferta që po i vlerësoj dhe do të vendos në bazë të interesit.
Marre nga BalkanWeb
