Pas mohimit të Rob Cohen, ja cilët janë emrat e katër autorëve të mundshëm për regjinë e filmit të tetë të sagës së famshme.
Rob Cohen nuk do të jetë regjizor i Fast & Furious 8. Disa ditë më parë aktori Vin Diesel, shprehu publikisht dëshirën për të bashkëpunuar sërish me Cohen, por menjëherë ka ardhur reagimi i regjizorit. Vetë Cohen ka deklaruar se nuk do të jetë i angazhuar me regjinë e Fast 8, filmi i ardhshëm i sagës që i hap derën një triologjie finale mbi aventurat e Toretto dhe familjes së tij. Një fillim i ri që nuk ka shumë kohë për të humbur, dhe ja ku kanë filluar të publikohen online emrat që mund të zëvendësojnë Rob Cohen.
Sipas burimeve të Variety, janë katër regjizorë që mund të drejtojnë regjinë e kapitullit të tetë të Fast & Furious.
Emri më i besuar duket të jetë ai i F. Gary Gray. Regjizori i filmit biografik të kohëve të fundit Straight Outta Compton, i njohur edhe për filma si The Italian Job, The Negotiator dhe Law Abiding Citizen është kandidati kryesor.
Midis emrave që po qarkullojnë online është edhe regjizori francez Louis Leterrier që ka bërë regjinë e The Incredible Hulk, Clash of the Titans dhe filmit të arrirë Now You See Me.
Emri i tretë i përfolur në garë për regjinë e filmit është regjizori amerikan Will Eubank, i njohur mbi të gjitha për filmat Love, The Signal dhe House of the Rising Sun.
Emri i fundit por jo më pak i rëndësishëm është Adam Wingard, regjizor i You’re the next dhe The Guest që mund të jetë edhe regjizor i filmit Death Note.