Sonte në ekranin e Televizionit Klan do të ndiqni episodet 8, 9 dhe 10 të serialit dramatik turk “Fate të Kryqëzuara”
Ja se çfarë do të ndodhë!
Dilara dhe Hazel shkojnë të drekojnë dhe më pas për blerje, ndaj kështu kalojnë gjithë ditën sëbashku. Gulseren blen një dhuratë për Hazal. Kur mëson se vajza ishte marrë nga një makinë luksi dhe nuk ishte kthyer më, ajo panikohet dhe medon se Xhihan dhe Dilara ja kanë rrëmbyer. Ajo e tërbuar shkon në zyrën e Xhihanit dhe ai përpiqet ta qetësojë. Teksa Gulseren shkon në stacionin e policisë për të raportuar vjedhjen e së bijes, Hazal i përgjigjet telefonatës duke i thënë se është në shtëpi. Babai i Xhihan, Rahmi, kthehet nga Rusia pas 10-vitesh, por Xhihan dyshon se ai i fsheh diçka.
Kur Gulseren shkon në shtëpi, e gjen vajzën plot me dhurata dhe sheh foton e Hazal dhe Dilaras si foto në ipadin e saj. E tërbuar, me frikë se vajza do ti largohet, ajo hedh disa nga gjërat në rrugë dhe vendos të takojë Dilarën për tja kthyer të tëra pas. Gulseren dhe Dilara shihen për herë të parë. Duke ulëritur dhe duke hedhur gjithë gjërat e blera, Gulseren i kërkon Dilarës të qëndrojnë larg fëmijës së saj. Xhihan përpiqet ta qetësojë, por është e pamundur. Të dy familjet pësojnë dhembje pas skenave të asaj mbrëmjeje e të gjithë rikujtojnë rrjedhjen e ngjarjeve.
Rahmi takohet me hallën e Hazalit. Psikologjia e Hazal ndryshon shumë dhe ajo sillet ndyrshe edhe me miqtë e saj të cilët nuk e besojnë. Ajo vendos ti ftojë miqtë në restorantin e Xhihan për ti vërtetuar të kundërtën, por detyrohet të paguajë vetë pasi askush nuk e beson dhe Xhihan nuk gjendet aty. Xhihan më në fund shpreh ndjenjat e tij ndaj Gulseren dhe as ajo nuk mund ti rezistojë më ndjenjave të saj. Pas turpërimit në restorant, Hazal vendos të hidhet përpara një motori që të marrë vëmendjen e familjes së saj biologjike. Hazal shpëton nga aksidenti me pak dëmtime. Menjëherë ajo i telefonon prindërit e saj biologjikë. Dilara gënjen Xhansun për tu larguar ndërsa Xhihan merr telefonatën në momentin që po shpreh ndjenjat e tij ndaj Gulseren. Të tre shkojnë rrëmbimthi në spital.
