“Bota” titullohet filmi me regji dhe skenar nga Iris Elezi dhe Thomas Logoreci, Ramiro Civita (drejtor fotografie), Walter Fasano (montazhier), Shpëtim Baca (skenograf), dhe Emir Turkeshi (kostumografe), i cili gjatë Festivalit Botëror të “Karalovy Vary-t” që do të zhvillohet në Çeki në datat 4-12 Korrik 2014, do të ketë premierën e tij, si dhe do të prezantohet në garën “East of the West”.
Filmi që vjen si një produksion i ‘Era Film” financuar nga “QKK”(Qendra Kombëtare e Kulturës në Shqipëri), “MIBAC” (Ministria e Kulturës Italiane), në mbështetjen e “EURIMAGES”, gjithashtu është i pari film shqiptar i realizuar me bashkëfinancimin e “QKK” (Qendrës Kinematografike të Kosovës).
Flonja Kodheli, Artur Gorishti, Fioralba Kryemadhi, e Tinka Kurti, Erand Sojli, Guljelm Radoja dhe Alban Ukaj janë aktorët që interpretojnë produksionin, nga i cili pritet një sukses në Festivalin prestigjioz “Karlovy Vary”.
“KVIFF” një festival i kategorisë A, në të cilin Shqipëria dhe Kosova do të kenë një stendë të përbashkët për të promovuar jo vetëm kinematografinë e dy vendeve, por edhe për të promovuar vendet përkatëse.
Burimi | TRT Shqip
