Seria e bisedimeve nga “The Wrap”. Katër nga të 15 finalistët i janë bashkuar Steve Pondit nga “The Wrap” për të diskutuar rreth frymëzimit për të realizuar filmat e tyre. Lista përfshin Sebastian Meise, regjisorin e kandidatit të Austrisë “Great Freedom”, Blerta Basholli (“Zgjoi”, Kosovë), Fernando León de Aranoa (“The Goog Boss”, Spanjë) dhe Maria Schraderin (“I’m Your Man”, Gjermani). Të katër regjisorët janë gjithashtu skenaristë ose bashkëskenaristë të filmave të tyre dhe kanë lidhje shumë personale me tregimet që i kanë ekranizuar
Temat e filmave të tyre janë të gjerë – por katër regjisorë, filmat e të cilëve kanë hyrë në listën e ngushtë për çmimin “Oscar” për Filmin Ndërkombëtar më të mirë të metrazhit të gjatë, i përshkruajnë filmat e tyre si tregime për kapërcimin e vështirësive dhe krijimin e lidhjeve esenciale për njerëzimin. Nga gjithsej 92 filma të kualifikuar, 15 kanë arritur të hyjnë në listën e shkurtër.
Katër nga të 15 finalistët i janë bashkuar Steve Pondit nga “The Wrap” për të diskutuar rreth frymëzimin për të realizuar filmat e tyre. Lista përfshin Sebastian Meise, regjisorin e kandidatit të Austrisë “Great Freedom”, Blerta Basholli (“Zgjoi”, Kosovë), Fernando León de Aranoa (“The Goog Boss”, Spanjë) dhe Maria Schraderin (“I’m Your Man”, Gjermani). Të katër regjisorët janë gjithashtu skenaristë ose bashkëskenaristë të filmave të tyre dhe kanë lidhje shumë personale me tregimet që i kanë ekranizuar.
“Great Freedom” e Meises tregon historinë e Hansit (Franz Rogowski), i cili është burgosur vazhdimisht gjatë dekadave për shkak të orientimit të tij seksual. Pavarësisht kësaj, ai arriti të niste një lidhje dashurie me shokun e tij të qelisë, Viktorin, një vrasës i dënuar.
Meise ka thënë se filmi kishte lindur gjatë hulumtimit për “Paragrafin 175” të Gjermanisë, një dispozitë e kodit penal që dënoi të gjitha aktet homoseksuale midis burrave për dekada.
“Ne donim të mbulonim periudhën e pasluftës derisa paragrafi u ndryshua në vitin 1969”, ka thënë Meise. “Kemi bërë një sërë intervistash me njerëz që u burgosën vazhdimisht, përsëri dhe përsëri, dhe nuk ishin në gjendje të kishin një jetë normale. Sepse nëse e ndalon dashurinë, në thelb, është ndaluar jeta.”
“I’m your man” i Schraderit në fokus ka pengesa të tjera për të pasur një marrëdhënie kuptimplote: Njëri nga partnerët nuk është njeri. Një shkencëtare në një muze në Berlin vendos që të marrë pjesë në një studim nëpërmjet të cilit më pas do të marrë fonde për hulumtimin e saj. Për tri javë, ajo duhet të jetojë me një robot humanoid i krijuar në atë formë që të jetë një partner i përsosur (portretizuar nga Dan Stevens).
“Kjo është një pyetje shumë interesante për t’i dhënë përgjigje të gjithë ne – pse në të vërtetë mund të ndajmë dashurinë vetëm me njerëzit dhe çfarë është saktësisht ajo që na bën njerëz?”, ka thënë Schrader.
“Zgjoi” i Bashollit bazohet në historinë e vërtetë të një gruaje që ka mbetur e ve nga lufta, e cila udhëheq një grup të vejash që po ashtu janë në situatë të njëjtë që të fillojnë një fillojnë një biznes për të shitur ajvar. Te njëra-tjetra, ato gjejnë mbështetje e shërim, por u duhet të luftojnë paragjykimet e shoqërisë për gratë e pavarura.
“Kur e takova, për mua ishte një herë, një superhero, por një hero i vërtetë, pra një qenie njerëzore”, ka thënë Basholli. “Dhe kur e pyeta, a keni qarë – sepse më krijohen një ndjenjë pabesueshmëri që ajo i ka kaluar të gjitha këto – ajo më ka thënë: ‘Po unë qaja çdo ditë. Pastaj fshija lotët dhe shkova në punë”.
Personazhi i filmit “The Good Boss” nën regji të León de Aranoa (portretizuar nga Javier Bardem) është në të vërtetë një shef i keq, marrëdhëniet e punës të të cilit dalin jashtë kontrollit kur ai bëhet i fiksuar pas fitimit të një çmimi për kompaninë, të cilën ai e quan familjen e tij.
“Më pëlqeu ideja e këtij shefi të mirë, duke u përfshirë edhe në jetën personale të njerëzve që punojnë për të, duke u përpjekur të rregullojë edhe jetën e tyre personale”, ka thënë León de Aranoa. “Ai do të kalojë çdo kufi për të marrë atë që dëshiron”.
