Google / YouTube dhe Grupi Mediaset kanë finalizuar një marrëveshje të rëndësishme bashkëpunimi. Marrëveshja hap perspektiva të reja në marrëdhëniet midis dy kompanive dhe në të njëjtën kohë i jep fund proçesit gjyqësor të nisur gati tetë vjet më parë nga Mediaset kundër Youtube.
Marrëveshja ka për qëllim përhapjen e përmbajtjeve digitale të Mediaset përmes një partneriteti me YouTube dhe Google Play. Gjithashtu, nis një strategji e përbashkët për mbrojtjen e përmbajtjeve në lidhje me tutelën maksimale të të drejtave të autorit.
Avokatët kanë arritur marrëveshjen duke i dhenë fund proçesit gjyqësor të ngritur nga Mediaset në vitin 2008 me kërkesën për kompensimin me 500 milion euro për humbjen e shkaktuar nga përdorimi i pautorizuar i materialeve audio-video për qellime përfitimi nga Youtube. Sipas Mediaset, në atë periudhë ishin identifikuar në portalin e YouTube të paktën 4.643 materiale në pronësi të tij. Tashmë që të dy kompanitë kanë arritur në një marrëveshje të përbashkët, pritet se në çfarë forme do të konkretizohet oferta e Mediaset në platformën më të madhe të videove online.
