Tashme u bënë vite që nuk e kemi të pranishme me filma të rinj. Një sëmundje tepër e rëndë,bëri që ajo të tërhiqej nga bota e artit, por që tregoi edhe vlerat dhe respektin që shqiptarët, familjarët dhe kolegët kishin për të nëpërmjet sensibilzimit dhe fushatave të ndryshme që bënë.
Hajrie Rondo, një nga artistet më të mira që ka vendi, tashmë do të rikthehet në ekranin e madh të kinemasë. Ishte pikërisht një film me metrazh të shkurtër, “Buka” ai që do të sillte përsëri pranë shikuesve Hajrien nën vetëm tetë minuta, nën rolin e një gruaje të moshuar e cila së bashku me burrin e saj i cili interpretohet nga Jorgaq Tushe, jetojnë në varfëri të plotë, të braktisur nga bota dhe shoqëria.
Një prodhim nga Blerta Kelmendi, “Buka” do të jetë pjesë e një festivali kinematografik i cili pas prezantimit në Greqi, tashmë do të vijë edhe në Kanë të Francës.
Interesant është edhe fakti i një ritakimi mes dy aktorëve të filmit, pasi Hajria dhe Jorgaqi, njiheshin prej vitesh pasi kanë qënë në një klasë, por nuk kishin luajtur në asnjë film së bashku, por rastësia bëri që ata tashme të bashkohen për herë të parë në një realizim kinematografik.
Copyright IMAlbania.com / Ndalohet kopjimi pa autorizim nga redaksia
