Jo të gjitha sulmet në internet përqendrohen në vjedhjen e të dhënave. Ndonjëherë qëllimi është “të arrihet shkatërrimi i botës fizike përmes mjeteve dixhitale”, paralajmëron gjigandi i teknologjisë kineze Tencent. Studiuesit e kompanisë sapo kanë zbuluar një dobësi serioze të re në shumë nga karikuesit e shpejtë të tregut masiv që përdoren tani në të gjithë botën.
Kur e lidhni pajisjen tuaj me një “fast charger” me një kabllo USB, ekziston një lidhje midis të dyve, duke vendosur ngarkimin më të fuqishëm që pajisja mund të trajtojë me siguri. Kjo lidhje menaxhohet midis firmware-it në pajisje dhe firmware-it mbi karikuesin, dhe supozon se të dy do të luajnë mirë me njëri-tjetrin.
Por studiuesit e Tencent tani kanë provuar se një karikues i kompromentuar mund të rrëzojë këtë lidhje, duke nxitur më shumë energji përmpes kabllos sesa pajisja mund të trajtojë në mënyrë të sigurtë, duke bërë që paisja mund të shkatërrohet ose të fiket.
Për shkak se fast charger është në thelb një pajisje e zgjuar në vetvete, është vulnerabël ndaj viruseve që mund të ngarkohen në të. Një sulm është shumë i thjeshtë. Me malware të ngarkuar në një smartphone, një sulmues lidhet me ngarkuesin, duke dëmtuar firmware-in e tij.
Ndaj kini parasysh që në momentin që e karikoni celularin në lokale dhe përmes karikuesëve të miqve tuaj të mbroheni nga kjo gjë fatale për paisjen tuaj./InfoMediaAlbania/