Kompanitë farmaceutike, qeveritë dhe universitetet në mbarë botën po përpiqen të gjejnë një vaksinë për Covid-19. Por, cili është peizazhi aktual i kërkimit dhe zhvillimit? Shkencëtarja kryesore e Organizatës Botërore të Shëndetësisë, Soumya Swaminathan foli për pengesat që ende duhet të kapërcehen dhe kur një vaksinë mund të arrijë në treg. Swaminathan theksoi se ”tani kemi mbi 20 kandidatë në provat klinike. Pra, le të shpresojmë që disa prej tyre të funksionojnë. Do të ishte për të ardhur keq nëse të gjithë do të dështonin”.
”Mund të merret ndonjë rezultat në fillim të vitit 2021. Kështu që me fillimin e vitit të ri mund të kemi një vaksinë. Kështu që duhet të prodhohet dhe të shumëfishohet. Pra, nëse jemi shumë praktikë, atëherë po shohim në mesin e vitit 2021 kur kemi një vaksinë që mund të përdoret gjerësisht”, shtoi ajo. ”Natyrisht është e pamundur ta parashikosh atë. Nëse supozojmë se ekziston një shans 10% i suksesit për secilin prej kandidatëve, kjo do të thotë se një ose dy vaksina mund të jenë të suksesshme, ndoshta më shumë”, theksoi ekspertja.
”Ky është afati më i shpejtë kohor që kemi parë ndonjëherë në krahasim me ndonjë sëmundje tjetër. Meqenëse sekuenca e virusit ARN u botua në janar në studimin e parë të vaksinave në mars, kanë kaluar më pak se tre muaj. Asnjëherë nuk është bërë një studim më i shpejtë”, shtoi ajo. ”Studimet e fazës III (që përfshijnë teste të efikasitetit në shkallë të gjerë) mund të përfundojnë brenda një viti nga fillimi i zhvillimit të vaksinave. Do të ishte një rezultat dhe një arsye për të festuar. Por mbarimi i një prove klinike të fazës III nuk do të thotë domosdoshmërisht që vaksina është efektive, e sigurt dhe e gatshme për përdorim”, theksoi Swaminathan.
