Tashmë është bërë traditë që lexuesit tanë të dërgojnë opinionet e tyre në Info Media Albania, ja se çfarë na shkruan një prej lexuesve tanë ditën e sotme.
Përshëndetje IMA, unë që ju shkruaj jam Besi! Vendosa të jap opinionin timin nëpërmjet redaksisë tuaj lidhur me disa portale informuese që për mua perosnalisht ndoshta edhe shumë prej lexuesve, kohët e fundit janë bërë më tepër biznes sesa informim për lexuesin.
Edhe pse ndeshja midis Shqipërisë dhe Serbisë ishte një ndeshje të një rëndësie të veçantë dhe shume sensitive për shkak dhe të ngjarjeve të një viti më parë, një portal aspak koherent me faktin e mësipërm kishte vendosur të prodhoj një lajm imagjinar për të rritur audiencën e vet në mënyrë fiktive.
Mos vallë kjo mund të konsiderohet si mungesë totale profesionalizmi dhe respekti ndaj detyrës së gazetarit?
Mos vallë ky akt i ulët i radhës që mban firmës e Armand Shkullakut dhe Andi Bushatit cënon interesin kombëtar duke luajtur me një çështje që shumë lehtë mund të krijonte një fryrje të nacionalizmit dhe të përdorte nga pala serbe për të na dëmtuar?
Padyshim që lajme të tilla “fantashkencë” të prodhuara nga kryeredaktorët e këtij portali Armand Shkullaku dhe Andi Bushati, kanë si qëllim të vetëm rritjen e audiencës me sulme ndaj qeverisë dhe lojëra të pista konspiracionesh nacionaliste, dëmtojnë në radhë të parë median në fjalë dhe pastaj interesin publik.
Në fund të fundit të gjithë e pamë qytetarinë e shfaqur ndaj Serbëve dhe asnjë plan sekret nuk u zbatua nga qeveria! Të gjithë dëgjuam lëvdatat e serbëve për mikpritjen shqiptare dhe të kryeministrit Rama, prandaj dhe çdo media e shkruar apo dhe elektronike në vend, duhet të matet dhe të vendos interesin publik para atij minimalist personal.
©IMA
