Tashmë është zyrtare, Alketa Vejsiu do të sjellë në Shqipëri një tjetër format ndërkombëtar. E kemi fjalën për talent show-n Your Face Sound Familiar, për të cilin një ekskluzivisht ju patëm informuar një gati dy vite më parë.
Alketa Vejsiu do të sjellë në Shqipëri formatin Your Face Sounds Familiar?
Pasi blerjes së patentave ndërkombëtare X Factor dhe Dance With Me, Alketa Vejsiu ka konfirmuar blerjen e patentës të një prej spektakleve më të suksesshëm të viteve te fundit në disa vende të botës. Mjafton të përmendim versionin italian Tale e Quale Show me një rekord audience në Itali, i cili këtë sezon është në edicionin e tij të pestë në drejtimin e Carlo Conti.
Your Face Sounds Familiar është një format kompeticioni muzikor i zhanrit reality-talent, ku protagonistë janë disa nga figurat më të rëndësishme të botës së artit, televizionit, kinemasë etj, të transformuar në paraqitje në ikonat e muzikës ndërkombëtare, që do të performojnë live këngët e tyre. Ky format është prezent në më shumë se 30 shtete dhe ka arritur shifra audience maksimale. Formati mban firmën e Endemol dhe është transmetuar për herë të parë në Spanjë në vitin 2011.
Fillimi i këtij formati të ri në TV Klan parashikohet të nis në muajt e parë të vitit 2016. Sikurse mund të kuptohet prezantuese do të jetë vetë producentja Alketa Vejsiu dhe regjia e Vera Grabockës.
