Ndërron jetë në moshën 67-vjeçare Nehat Kulla, i njohur ndryshe edhe si “gjenerali”.
Mësohet se Nehat Kulla ka ndërruar jetë për shkak të COVID-19.
Mësohet se mbrëmjen e 15 qershorit, i shoqëruar nga familjarët Nehat Kulla është paraqitur në urgjencën e Senatoriumit në gjëndje të rënduar dhe vështirësi serioze në frymëmarrje.
Pasi i është bërë skaneri i mushkërive ka rezultuar se ishte me pneumoni bilaterale grada e fundit. Më pas atij iu mor tamponi dhe ka rezultuar pozitiv me COVID -19.
Nehat Kulla ka refuzuar shtrimin dhe është kthyer në shtëpinë e tij ku ka ndërruar jetë në orët e para të mëngjesit. Edhe vëllai i tij humbi jetën para një muajipo me COVID-19
Në korrik 2019 Kulla doli nga burgu pasi kishte përfunduar dënimin me 20 vjet burg për vrasjen me paramendim të shtetasit Halim Gjuzi, ish-shoferi i ish-zv/ ministrit të Arsimit, Halit Shamata. Ai u bë i njohur në vitet 1997-1998 në Tiranë pasi drejtonte bandën me emrin e tij.
Kulla ndërroi jetë për shkaqe natyrale, ndërsa një muaj më parë kishte humbur të vëllanë të infektuar me COVID-19
“Gjenerali” – Në dhjetor të vitit 1996 ishte dënuar me 11 vjet burg për vrasjen e Petrit Moriçenit dhe vëllezërve Neziri, njëri prej të cilëve me detyrë polic pranë komisariatit 4 në Tiranë.
Në vitin 1997 arratiset nga burgu, por arrestohet më 12 Shtator 1999 në aksin rrugor Peqin-Elbasan. Në makinën e Kullës policia gjeti disa armë, të cilat hodhën dhe akuzën e parë ndaj tij.
Në 1997 Kulla, së bashku me të ashtuquajturit ushtarë të tij, mbanin repartin e xhenios nën kontroll për disa kohë, duke i vënë vetës edhe nofkën gjenerali, emër të cilin ia pagëzuan të gjithë banorët e zonës për të cilët ai ishte njeriu më me influencë.
Madje, gjatë vitit 1997, kur shteti kishte humbur kuptimin e vet, ai arrin të krijojë një komisariat të mirëfilltë policie, ku u garantonte banorëve të Kinostudios dhe Tufinës qetësinë, duke mos lejuar asnjëri të futej në hartën e vendit ku ai kishte ndikimin e tij. Banda e tij kreu shumë vrasje dhe krime të tjera të frikshme.
Prokuroria kërkoi dënimin dhe për vrasjen e Fatmir Thaçit por u lirua nga gjykata.
Në vitin 2001, ai rikthehet në qeli nën akuzën e rrahjes së një grupi gazetarësh dhe dënohet me 5 vjet burg, por lirohet sërish për sjellje të mirë.
Në vitin 2005, pas ardhjes në pushtet të të djathtëve, ai riarrestohet dhe dënohet me 20 vjet burg për vrasjen e Halim Gjuzit në vitin 1998 në Golem, shoferi i ish-Ministrit të Brendshëm Halit Shamata. Denim qe e vuajti deri ne 2019.
