Spektakli duhet të vazhdojë, por jo përpara një nderimi për Gloria Fallon.
Jimmy Fallon u rikthye mbrëmjen e djeshme në formatin e tij tradicional, pas një ndërprerje 1-javore të “The Tonight Show”, për arsye të ndarjes nga jeta të mamasë së tij.
E ndërsa ishte mjaft emocional dhe i përlotur, Jimmy i bëri një dedikim mjaft të bukur në nisje të spektaklit, nënës së tij Glorias duke e quajtur atë si “shikuesja më e mirë”.
“Ashtu si shumë prej jush e dinë, mamaja ime Gloria ndërroi jetë së fundmi dhe unë anullova të gjitha episodet e spektaklit javën e kaluar për të qënë pranë familjet sime dhe për të bërë nderimet e duhura. Ajo ishte shikuesja më e mirë. Ajo ishte personi që unë e bëja gjithmonë për të qeshur dhe një prej fanseve më mëdha të spektaklit dhe të gjithçkaje që unë kam bërë”,- tha moderatori i njohur.
“Kur ishim të vegjël, mamaja ime na nxirrte në dyqane, mua dhe motrën time, dhe së bashku mbanim duart së bashku me të dhe ajo gjithmonë e shtrëngonte dorën time tri herë duke me thënë se më donte, dhe unë bëja të njejtën gjë duke iu përgjigjur se e doja shumë.”, tha Jimmy Fallon gjatë premierës së djeshme.
Ai vazhdoi, “Javën e kaluar, isha në spital dhe mora dorën e saj dhe e shtrengova duke i thënë se e dua. E dija që ishim në telashe”.
