Që prej nisjes së pandemisë të Covid-19, një nga “lajmet e mira” që i ka qetësuar njerëzit, sidomos prindërit, ka qenë se fëmijët ishin më pak të rrezikuar nga virusi, edhe ata që preken në përgjithësi e kalojnë pa simptoma të shprehura.
Megjithatë njiheh raste kur fëmijët janë infektuar, edhe në vendin tonë., me pacientët më të vegjël që kanë qenë bebe disa muajshe. Në Pediatrinë e QSUT-së për momentin ndodhen 4 të fëmijë të shtruar, të prekur nga Covid-19. Ndër ta, e infektuar është edhe një foshnje 16-muajshe, e cila sipas “Fax Web” ndodhet e shtruar në repartin e reanimacionit, në gjendje më të rëndë shëndetësore.
Deri më tani në vendin tonë 646 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 29.837, teksa ditët e fundit ka pasur një rritje të ndjeshme të rasteve, që ka detyruar Komitetin Teknik të Ekspertëve të rikthejnë disa masa izoluese në vend.
