Lufta ndaj pandemisë globale të koronavirusit vijon të ketë shumë paqartësi. Ndërkohë që ende nuk ka një medikament apo një vaksinë e cila ta luftojë plotësisht këtë sëmundje. Ndaj apeli i mjekëve është ruajtja e distancimit fizik. Të rinjtë, duke ruajtur vetën ruajnë edhe familjarët e tyre që mund të kenë një sëmundje kronike.
Sipas mjekëve edhe ata që janë në moshë më të re dhe mendojnë se kanë shëndet të plotë, duhet të bëjnë kujdes, sepse shumë prej tyre kanë humbur jetën pasi nuk e dinin se vuanin nga një sëmundje kronike.
Edhe mjeku anestezist Teni Kamberi u bën apel qytetarëve që veç kujdesit për higjienën dhe distancimit, kur të dalin për të bërë pazare të përdorin maska. Sa u përket medikamenteve ka shumë studime, por njëri ka dhënë më shumë efekte, sipas tij.
Klan Plus