Lajme jo të mira për fansat gjerman të Avengers: Age of Ultron. Frankfurter Allgemeine Zeitung ka botuar një artikull në të cilin njofton një formë të pazakontë proteste të nisur nga 600 kinema gjermane, të cilat po planifikojnë të bojkotojnë shfaqjen e filmit të Disney / Marvel.
Arsyeja është se Disney pretendon të marrë 53% fitim nga çmimi i biletave të shitura, shifër që do të zvogëlojë ndjeshëm të ardhurat e kinemave. Drejtuesit e shoqatës IG Nord, pjesë e të cilës janë kinematë në fjalë, argumentojnë se në qoftë se edhe një kinema e vetme do të pranojë kërkesat e tepruar të studios amerikane kjo do të jetë nisja e një precedenti që mund të çojë drejt mbylljes së disa sallave kinematografike. Përqindje të tilla, shpjegon artikulli, janë të përballueshme nga multisallat e qyteteteve të mëdha, por të pamundura për kinematë e pavarura.
Në ditët në vazhdim pritet zhvillime për rezultatin e negociatave. Nga sa behet e ditur, kjo rezuton te jete hera e parë që sipërmarrësit e kinemasë sfidojnë gjigandin e filmit.