Për herë të parë në histori postin e zëvendëspresidentit të Asamblesë Parlamentare të Organizatës së Traktatit të Atlantikut të Veriut do ta drejtojë një shqiptar, aq më tepër një grua shqiptare.
Asambleja Parlamentare e NATO-s zgjodhi pak ditë më parë Mimi Kodhelin për këtë post të rëndësishëm.
Një arritje profesionale të cilën me modesti thotë se ia ka arritur ‘falë meritokracisë” por dhe një ogur i mirë për Shqipërinë.
Mimi Kodheli për “Dite e Re” : “Rëndësia që pozicioni ka, merr një ngjyrim të veçantë se flet jo vetëm për rëndësinë që aleatët strategjikë tanë i japin Ballkanit Perëndimor dhe Shqipërisë por dhe si ogur i mirë që ne jemi dhe vazhdojmë të jemi nën vëmendjen e tyre duke qenë nga pak protagonistë dhe pritës të vendimamrrjes së tyre për ti hapur shtigje të reja Shqipërisë që unë besoj se e meriton”
Gjatë intervistës me skype sot për emisionin “Ditë e re” në RTV Ora, Kodheli nuk mund të lihej mënjanë situate politike sot. Kodheli thotë se pandemia duhej të kishte bërë shumë më tepër bashkë politikën.
Mimi Kodheli për “Dite e Re” “Njerëzit janë shumë, shumë skeptikë sot ndaj politkës dhe politikanëve jo vetëm në Shqipëri por vazhdojnë të jenë shumë të intigruar dhe tërheqës nga politika pasi vendimmarrja e tyre vijon të ndikojë në jetën, shëndetin dhe biznesin e tyre. Në një mënyrë ose tjetër janë të detyruar të bashkëjetojnë me këtë që quhet politikë.“
Për aq kohë sa ne nuk do të jemi të përgjegjshëm për gjërat që themi e bëjmë, aq më keq do të jetë për të gjithë ne dhe më shumë për njerëzit.
Për sa kohë që ne të nisim të reflektojmë dhe peshojmë fjalët e jo ti numërojmë besojmë se do të jemi më komodë.“
Pandemia duhet të na bënte shumë më tepër bashkë. Kam idenë se njerëzit i bën bashkë. Politika kush e shfrytëzon këtë rast delikat besoj se bën gabim edhe do të marrë përgjigje negative. Ky është gjykimi im.”
Na duhet shumë kohë për demokracinë thotë Kodheli ndërsa vë theksin tek lufta që duhet ti bëjmë udhëheqësit të fortë, unit.
Ngacmimit të moderatorëve nëse ka ardhur koha për një qeverisje me kufizim mandatesh, Mimi Kodheli për “Dite e Re” u përgjigj:
”Demokracia në SHBA funksionon për faktin që mund të jesh njeriu më i pushtetshëm në botë, por rri 4 vjet ose 8 vjet dhe nuk je më asgjëkundi. Mund të bësh një organizatë, mund të japësh leksione nëpër botë por nuk je më në politikën amerikane. Kjo është pozitive e shëndetshme.
Zgjedhjet e fundit të SHBA-ve treguan për një krizë të sistemit në kuptimin negativ të saj prandaj më duhet të vazhdoj ta them po me rezerva.
Ka vënde të cilat funksionojnë në mënyrë kategorike të tillë. Me mandat të limituar në kohë dhe ka vende të demokracie të mëdha të zhvilluara perëndime ku elitat qarkullojnë. Ka njerëz që rrijnë në politikë gjatë gjithë jetës për aq kohë sa ata votohen.
Ne duhet të gjejmë një ekuilibër të brëndshëm tonin që bazohet në histori e karakteristika, por, nga ana tjetër, besoj se duhet të luftojmë unin për udhëheqësin e fortë dhe shumë karizmatik.
Flas në logjikë të prëgjithshme. Kjo është pak e vështirë pasi vijmë nga një sistem ku pothuajse për 50 vjet kemi pasur jemi ushqyer dhe kemi jetuar në një regjim totalitar ku uni është gjithçka. Na duhet pak kohë, që të mund ta përtypim, dhe të largohemi sa më shumë të jetë e mundur nga mendësia e këtij sistemi e cili në disa raste funksionon akoma.
Na duhet pak kohë që të mund ta përtypim dhe të largohemi nga mendësia e këtij sistemi e cila, në disa raste funksionon akoma dhe të mund të zhvillojmë praktikat tona, historitë tona, mjediset tona me një demokraci ndryshe, pra është grupi që është lidership, është vendimmarrje kolegjiale që e bënë më të qëndrueshme vendimmarrjen por le të mos harrojmë që edhe sot në botë ka disa shembuj të liderave karizmatik që kanë shumë vite që drejtojnë”.
Dite e Re: Ju mesa kuptova nuk jeni për një rotacion që një qeveri të ketë dy mandate dhe pastaj të ketë ndryshim, ju thoni që nuk është koha.?
Mimi Kodheli për “Dite e Re” Unë them që nuk është koha, por mund te bëhët një diskutim më i gjërë se sa jashtë politikës , mud të merren opinione dhe në këtë mënyrë mund të shkojmë drejt një sistemi tjetër apo një përkufizimi tjetër. Kjo nuk do të bëhet për momentin sepse do kohë që të piqet dhe të diskutohet dhe nuk jam unë për një gjë apo për një tjetër por jam për një sistem që duhet të përmirësohet dhe perfeksionohet çdo ditë me qëllimin e mirë që bota e njerëzve të lexohet sa më drejtë që të jetë e mundur dhe gjërat të bëhen sa më mire.
