CEO i WarnerMedia, Jason Kilar ka konfirmuar datën e publikimit të The Batman në platformën e transmetimit HBO Max, duke raportuar se filmi do të arrijë pas 45 ditësh nga shfaqja ekskluzive në kinema. Projekti i ri i Matt Reeves që do ta rikthejë Batmanin në ekranin e madh, këtë herë me aktorin Robert Pattinson, do të publikohet më 4 mars 2022, ndërsa në streaming do të jetë i disponueshëm nga 19 prilli 2022.
Në një intervistë të fundit me Vox’s Recode, Kilar konfirmoi se Batman do të jetë i disponueshëm për t’u transmetuar në HBO Max në ditën e 46-të, ndryshe nga sa ndodh normalisht për një film premierë nga shfaqja e tij në klinema, kur duheshin 9 muaj pritje. Në vend të kësaj, The Batman do të jetë i disponueshëm në ditën e 46-të në HBO Max. “Ndihem shumë, shumë mirë duke ditur që Batman, Black Adam dhe The Flash, Elvis dhe një mori filmash të tjerë do të shfaqen në ditën e 46 në HBO Max në shumë territore rreth botës. Ky është një ndryshim shumë i rëndësishëm”
Kujtojmë se në filmin e Matt Reeves përkrah Robert Pattinson luajnë rolin e personazheve të famshëm dhe famëkeq nga Gotham, Zoë Kravitz, Paul Dano, Jeffrey Wright, John Turturro, Peter Sarsgaard, Andy Serkis, Colin Farrell. Filmi është prodhuar nga Reeves dhe Dylan Clark, ndërsa Simon Emanuel, Michael E. Uslan, Walter Hamada dhe Chantal Nong Vo janë producentë ekzekutivë.