Pandemia e COVID-19 si dhe problemet ekonomike që u shkaktuan nga goditja e koronavirusit kanë bërë që niveli i lindshmërisë në Itali të bieri në normat minimale.
Sipas The Guardian, Italia regjistroi 420,000 lindje në 2019 – shkalla më e ulët që nga bashkimi i vendit në 1861 – ndërsa vdekjet arritën në 647,000.
Shkalla e lindjeve mund të bjerë në rreth 408,000 këtë vit, ndërsa vdekjet si shkak i koronavirusit do të çojnë në vdekje totale përtej 700,000, sipas vlerësimeve të fundit nga Istat, agjencia kombëtare e statistikave.
Italia, vendi i parë evropian i goditur nga pandemia, ka pësuar një valë të egër të parë dhe të dytë, me më shumë se 67,000 vdekje të konfirmuara nga koronavirusi që nga fundi i Shkurtit. Ndërkohë, shkalla e papunësisë së vendit parashikohet të rritet nga 9.4% këtë vit në 11% në 2021.
Gratë kanë mbajtur barrën e pasojave ekonomike të pandemisë, shumë prej të cilave e kanë humbur punën janë detyruar të largohen për të qëndruar në shtëpi me fëmijët që nuk ishin më në shkollë.
Edhe para pandemisë, më pak se gjysma e të gjitha grave italiane në moshë pune, ishin në punë. Dhe shumë prej atyre që mbeten shtatzënë japin dorëheqjen pasi nuk janë në gjendje të mbajnë barrën e punës dhe jetës familjare. Të shkaktuara kryesisht nga mungesa e kushteve të papërballueshme të kujdesit për fëmijët.
InfoMedia Albania
