Programet e pasdites në ekranet shqiptare tashmë janë bërë një mani dhe konkurenca është rritur tej mase. Përveç kanaleve kryesore, të cilat argëtojnë shikuesit me informacionet ditore apo tema të ndryshme të aktualitetit edhe “RTSH” tenton këtë sezon të ri televiziv me një tjetër format, pas mbylljes së “Drejtpërdrejt”.
Programi do të titullohet “Paralel” dhe vjen si një përditshmëri në ekranin e “RTSH”, nën drejtimin e moderatores së njohur Kozeta Kurti. Kjo e fundit sezonin e kaluar ka drejtuar në “RTSH” programin e mëngjesit “Mirësevjen”, që këtë sezon po moderohet nga Bledi Strakosha. Kozeta ka një karrierë me një CV të pasur, ku mund të përmendim punën e saj të dikurshme në “Top Albania Radio” apo përpara pak viteve në “Vizion Plus” me programin e paradites “Konak”.
“Paralel” do të vij çdo ditë në orën 18:00 deri në orën 20:00, ekskluzivisht në ekranin publik të “RTSH”.
IMA / S. Dema